Rike Roçi, e njohur si një prej konkurrenteve më karizmatike të “Big Brother VIP Albania 3”, ka qenë në qendër të vëmendjes së publikut së fundmi.
Ajo është shfaqur tërësisht e prekur nga një situatë e vështirë brenda shtëpisë, e cila e ka bërë të ndihet e bllokuar emocionalisht.
Pas një debati të tensionuar në mes të Meritonit dhe Vesës, të cilët janë miq të Rikes, atmosfera u bë e rënduar. Vesa, që nuk arriti të përmbahet, shpërtheu në lot pas këmbimit të fjalëve, dhe Rike, e cila ndjen miqësi dhe simpati për të dy, gjithashtu u përlot.
Në një moment të vështirë, Rike rrëfeu se ndihej e shtrënguar nga situata, të qenit e ngërthyer në mes të dy personave të rëndësishëm për të në shtëpinë e Big Brother, dhe pa mundësi për të ndërhyrë ose mbështetur ndonjërin, duke qenë se të dy i konsideron si miq të afërt.
Rike shprehu keqardhjen e saj duke thënë: “Më vjen shumë keq kur dëgjoj atë lloj diskutimi dhe më bën të ndihem e pafuqishme, sidomos kur nuk mund të mbroj dikë që e dua dhe nuk mund të bëj asgjë. Në ato momente, ndihem sikur më ikën mendja nga frustrimi”.
Discussion about this post