Flamurtari ka arritur marrëveshjen me mesfushorin e Partizanit, Valentino Murataj, i cili pas aventurës europiane, i ka dhënë fund eksperiencës 3-vjeçare me skuadrën kryeqytetase.
Murataj është prezantuar zyrtarisht nga klubi vlonjat, teksa objektivi primar mbetet rikthimi në elitën e futbollit shqiptar që në sezonin e ardhshëm.
Mesfushori 28-vjeçar është padyshim një nga afrimet më të bujshme të Flamurtarit, pasi ka qenë titullar i padiskutueshëm i Partizanit gjatë sezoneve të fundit.
Krahas Muratajt, Flamurtari ka prezantuar më herët edhe emra si Albi Alla, Lorenc Trashi, Ali Adem, Herald Marku, Sodiq Atanda, Ardit Hoxhaj dhe Stivi Frashëri, të gjithë me eksperiencë të konsiderueshme në Kategorinë Superiore.
Discussion about this post