Gjermania dëshiron të flasë me talebanët se si të evakuojë punëtorët e mbetur të kontraktuar nga Afganistani, tha kancelarja Angela Merkel të dielën, duke shtuar se ishte një shenjë e mirë që aeroporti në Kabul mund të përdoret përsëri për fluturime.
Shefi i politikës së jashtme të Bashkimit Evropian ka thënë se blloku është gati të angazhohet me qeverinë e re talebane në Kabul, por grupi islamik duhet të respektojë të drejtat e njeriut, përfshirë ato të grave, dhe të mos lejojë Afganistanin të bëhet një bazë për terrorizmin.
“Ne thjesht duhet të flasim me talebanët mbi mënyrën se si ne mund të mundësojmë daljen nga vendi të personave që kanë punuar për Gjermaninë dhe për t’i siguruar ata”, deklaroi Merkel në një konferencë shtypi.
Organizatat ndërkombëtare të ndihmës duhet gjithashtu të jenë në gjendje të përmirësojnë situatën humanitare atje, shtoi ajo.
