Ish-kancelarja gjermane Angela Merkel është fotografuar në supermarketin e saj të preferuar në Berlin, duke blerë sallam. Sipas gazetës gjermane “Bild” Merkel është parë teksa bënte pazar në supermarketin “KaDewe”. Por sallami që ajo preferoi nuk është gjerman, por spanjoll, i gjatë dhe i shtrenjtë që kushton plot 34.8 euro.
Sallami i blerë nga Merkel njihet si ‘chorizo’ spanjolle dhe është bërë nga mishi i derrit i copëtuar me yndyra e derrit, e tymosur dhe me kripë. Karakterizohet si pikante ose e ëmbël, në varësi të llojit të specit të tymosur të përdorur.
Duket se ajo nuk ka asnjë problem financiar duke pasur parasysh se, për 16 vite në Kancelarinë gjermane, paga e saj mujore ishte 25,000 euro, plus 10,000 euro në muaj. Ndërsa tani sipas Shoqatës Gjermane të Tatimpaguesve, pensioni i saj mujor është 15,000 euro.
Discussion about this post