Një zjarr i madh ka rënë në hambarin e fshatit Vreshtas në Bashkinë Maliq. Burime bëjnë me dije se është djegur baza ushqimore për bagëtitë.
Mësohet se zjarri është larg shtëpive, ndërkohë bëhet e ditur se si pasojë e flakëve janë djegur 300 dengje jonxhë. Hambari i djegur është në pronësi të Thanas Isallarit. Ndërkohë njerëzit janë evakuar në kohë, sakaq janë izoluar edhe flakët.
Ndërsa, forcat zjarrfikëse ende në vendngjarje për të bërë të mundur tërësisht fikjen e flakëve.
Ende nuk dihen arsyet e shpërthimit të flakëve, por të dhënat e para dyshojnë për zjarrëvenie të qëllimshme.
