Nuk kanë fund incidentet dhe aksidentet me urbanet në Tiranë. Një tjetër ngjarje e paprecedentë mësohet se ka ndodhur me autobusin e linjës së Institutit Bujqësor.
Urbani i Institutit ka marrë flakë në lëvizje, ndërsa fatmirësisht nuk ka pasoja në njerëz. Ngjarja ka ndodhur në rrugën “Dritan Hoxha”. Autobusi është djegur pjesërisht, ndërsa po punohet për të zbardhur gjithçka ka ndodhur.
“Me datë 10.04.2023, rreth orës 16:50, në rrugën “Dritan Hoxha”, ka marrë flakë në lëvizje e sipër dhe është djegur pjesërisht në pjesën e motorrit, autobusi i linjës së Institutit, me drejtues shtetasin S. A.
Në vendin e ngjarjes kanë shkuar shërbimet e Policisë dhe shërbimet zjarrfikëse. Personat që ndodheshin në autobus kanë dalë nga autobusi dhe nuk ka asnjë të dëmtuar.
Paraprakisht dyshohet se zjarri është shkaktuar aksidentalisht. Grupi hetimor po punon për zbardhjen e rrethanave të ngjarjes”, njofton policia mbi ngjarjen e ndodhur.
Discussion about this post