Një banesë është përfshirë nga flakët në Mbrostar-Ferko në Fier. Mësohet se në godinën jetonte Astrit Metua me bashkëshorten dhe dy fëmijët e mitur në gjendje të vështirë ekonomike.
Fatmirësisht gruaja dhe fëmijët kanë qenë në qendrën shëndetësore në momentin kur ka rënë zjarri, ndërsa Metua ka tentuar të futet mes flakëve për të shuar zjarrin.
Menjëherë në vendngjarje kanë shkuar shërbimet e Policisë dhe zjarrfikëset, të cilët bënë të mundur fikjen e zjarrit.
Po punohet për sqarimin e shkaqeve të rënies së tij. Ndërkaq bashkëshortja dhe dy fëmijët qajnë se nuk kanë më një strehë ku të qëndrojnë. Mësohet se familja jetonte duke mbledhur bidona.
Discussion about this post