Shkatërrohet një bandë e rrezikshme në Itali. Aksioni u zhvillua nga njësia e policisë Ekonomike dhe Financiare të Guardia di FInanza të Lucca, si pjesë e një hetimi të policisë gjyqësore të koordinuar nga DDA e Firences.
Mësohet se u sekuestruan gjithsej 500 bimë kërpi indian të destinuara për prodhimin dhe tregtimin e një sasie të madhe marijuane. Në pranga kanë rënë pesë persona.
Dy prej të arrestuarve ishin me origjinë kalabreze, 2 nga provinca e Pistoias dhe një shtetas shqiptar.
Mbjellja e farave bëhej në kontejnerë të posaçëm të mbajtur në ambiente të mbyllura deri në mbjelljen e filizave në një fushë të ngritur dhe të mbrojtur posaçërisht nga një shkurre e dendur, në Bashki, të Ponte Buggianese (Pistoia), brenda zonës së të ashtuquajturës “Padule di Fucecchio”.
Discussion about this post