Shoqërohet kreu i grupit kriminal, Safet Bajri. Ai eshte ndaluar fillimisht ne Lezhe, ndersa me pas i eshte kaluar Drejtorise se Policise se Shkodres, është marrë në pyetje dhe më pas është lënë i lirë.
Safet Bajri, një figurë e njohur dhe e fuqishme nga Shkodra. Sipas informacionit të fundit, Bajri u kap teksa lëvizte me një makinë të blinduar në qytetin e Lezhës.
Një operacion i koordinuar nga forcat e rendit ka rezultuar në ndalimin e Bajrit, i cili ka tërhequr vëmendjen për statusin dhe aktivitetet e tij në zonë.
Autoritetet janë në procesin e hetimeve për të sqaruar arsyet e prangosjes dhe për të përcaktuar nëse ka ndonjë lidhje me atentatin e fundit, që ndodhi para disa ditësh në Vaun e Dejës.
Makina e blinduar
Në mars 2024, në njoftimin e lëshuar nga vetë policia e Shkodrës, thuhet se Bajri është ndaluar, i është vendosur një gjobë, si dhe i kanë sekuestruar makinën e blinduar me të cilën lëvizte, pasi nuk kishte leje të posaçme për të. Kujtojmë se Bajri u lirua nga burgu me kusht vetëm pak muaj më parë, ndonëse Belgjika e kishte dënuar me 22-vite burg për krim të organizuar, shfrytëzim prostitucioni, trafik kokaine dhe vjedhje në rrethana rënduese. Aksioni, thonë Shërbimet e Policisë, është ndërmarrë gjatë zbatimit të planit të masave për parandalimin e kriminalitetit dhe për goditjen e paligjshmërive, në qytetin e Shkodrës, shoqëruan në ambientet e DVP Shkodër, një automjet të blinduar. Më vonë autoritetet ia kthyen makinën e blinduar Safet Bajrit.
Kush është Safet Bajri?
Safet Bajri, i akuzuar si një prej krerëve të grupeve kriminale në shkodër është liruar me kusht nga burgu i Fierit në maj të vitit 2022. Vendimi u dha nga gjykata pas kërkesës së avokatëve, të cilët pretenduan se i akuzuari për disa vepra të rënda penale ka kryer pjesën më të madhe të dënimit të dhënë ndaj tij nga drejtësia belge.
Safet Bajri u arrestua në 22 shtator të 2018 bashkë me 10 persona të tjerë në kuadër të operacionit policor të koduar “Oaz”.
Personat kryesorë të kërkuar ishin Safet dhe Enver Bajri që akuzoheshin akuzoheshin për një sërë veprash penale si “Vrasje me dashje e mbetur në tentativë”, në bashkëpunim, “Vrasje me dashje”, e kryer në bashkëpunim, “Prodhim dhe mbajtje pa leje të armëve dhe municioneve luftarake”, “Organizim i llotarive të palejuara”, “Pastrim i produkteve të veprës penale” të kryer në bashkëpunim, “Shtrëngim me anë të kanosjes ose dhunës për dhënie të pasurisë”, etj.
Grupi ku bënin pjesë anëtarët e familjes Bajri, akuzohej për dy vrasje, njëra në 7 shkurt 2001, ku u ekzekutua shtetasi me iniciale A.T., dhe ngjarje e datës 20 qershor 2002, ku u vra shtetasja 15-vjeçare me iniciale F.H.
Anëtarët e grupit kriminal që u arrestuan me bujë në një operacion të Forcave Speciale shqiptare, akuzoheshin edhe për kanosje ndaj disa shtetasve për të dhënë shuma të mëdha parash.
gijotina.com/
Discussion about this post