Merushe Hazizi 30-vjeçarja që u vra dy ditë më parë nga vjehrri në fshatin Roskovec të Fierit, la tre fëmijë jetim nga martesa e parë. Fati i të miturve pas vdekjes së nënës nuk dihet ende, ndërsa babai i tyre ka bërë një deklaratë të papritur. Anueli ish-bashkëshorti i Merushes, tha se do të kërkonte të kryhej analiza e ADN-së për dy fëmijët e fundit, pra për djalin e dytë dhe djalin e tretë, me të cilin Merushja ishte shtatzënë në kohën kur është larguar nga shtëpia e ish-bashkëshortit.
Ai sqaroi se gjatë këtyre viteve ka folur me djemtë vetëm 2 herë, dhe mundësinë për të folur me ata ia ka dhënë kunati i madh.
“Kam folur vetëm dy herë me djemtë. Më ka lënë të flisja kunati i madh. Kërkoj të bëhet ADN e dy fëmijëve të vegjël. Nëse dalin se janë të mijtë do mbaj përgjegjësi”, ka deklaruar ai.
Ngjarja
Dy ditë më parë 61-vjeçari Xhevahir Hoxha vrau me thikë nusen e djalit dhe më pas u vetëvra, duke u mbytur në pemë.
Mësohet se i biri i autorit, Fatjoni ka qenë i martuar dhe nga kjo martesë ka 1 fëmijë 9 vjeç me gruan e parë. Ndërkohë, ai kishte rreth 3 vjet që bashkëjetonte me viktimën dhe jetonin në Vlorë me qira, por vetëm 1 muaj ishin kthyer që të jetonin në fshat te prindërit e tij.
Vrasja e 30-vjeçares Merushe Hazizi nga vjehrri i saj ishte e paralajmëruar pasi ata kishin debate të vazhdueshme me njëri tjetrin. Është zbuluar se në datë 16.03.2022 është plotësuar kërkesë padia në Polici për urdhër mbrojtje të 61-vjeçarit nga djali dhe fillimisht Gjykata e ka pranuar për dhunë psikologjike. Por në seancën e radhës, dt 28.03.2022, e ka hequr urdhrin e mbrojtjes.
Në polici nuk ka asnjë ankesë nga djali apo nga nusja për vjehrrin. Bëhet fjalë vetëm për një ankesa që ka bërë 61-vjeçari për dhunë psikologjike nga i biri.
Discussion about this post