Dhimitër Kapaj i Partisë Socialiste u zgjodh kryetar i këshillit bashkiak të Himarës.
Në garë për këtë post ishin dy kandidatura. Nga 21 këshilltarë, Dhimitër Kapaj mori 13 vota, ndërsa Afrovita Dhimojani nga koalicioni Bashkë Fitojmë mori 8 vota.
Në mbledhjen e sotme nuk kanë munguar tensionet nga mbështetësit e Fredi Belerit, dhe përfaqësues të tjerë të minoritetit grek.
Fredi Beleri, kryetari i zgjedhur i kësaj bashkie më 14 maj, nuk do të betohet si kryetar, pasi GJKKO i rrëzoi kërkesën për të qenë pjesë e betimit.
Mbështetësit e tij kanë kërkuar që ai të jetë në mbledhjen e këshillit bashkiak dhe u shprehën që punonjësit e bashkisë kur drejtohej nga Jorgo Goro të largohen dhe të pranishëm të jenë vetëm ata të bashkisë së re.
Në mbledhjen e sotme ishte prezente edhe ambasadorja e Greqisë, Konstantina Kamitsi, ndërsa në krah të saj qëndronte nga njëra anë Vangjel Dule, dhe nga ana tjetër djali dhe bashkëshortja e Fredi Belerit.
Discussion about this post