Mesazhet driskiminuese ndaj magjistratëve, njoftohet protesta e Berishës ndaj Vetting

Ish-kryeministri Sali Berisha ka njoftuar protestën kundër diskriminimit racor, fetar, krahinor, para KPK-së.

Ky marshim vjen pas rastit flagrant që drejtuesja e Prokurorisë së Tiranës Elisabeta Imeraj ka zbardhur mesazhet që anëtarja e vetingut Genta Bungo, ka dërguar duke paragjykuar prejardhjen e magjistratëve.

“Protestë e fuqishme qytetare kundër diskriminimit racor, fetar, krahinor nga zyrtarët bandit të narkoshtetit të Edi Ramës!’, shkruan Berisha në rrjetin social.

Mesazhet

Gjatë seancës së vetingut në KPA, Imeraj ka zbardhur një prej mesazheve që anëtarja e vetingut Genta Bungo, ka dërguar duke paragjykuar prejardhjen e magjistratëve. “Ça të duhet, -ajo qeshi- ça të duhet, një maloke më pak? Pupupupu! Unë u largova se ajo ishte eprorja ime”, ishte mesazhi i lexuar nga prokurorja Imeraj. Mirëpo një gjë e tillë për prokuroren është e papranueshme. “Më ka ndodhur të përballohem me situata të ndryshme, një stigmatizim të tillë të bërë për qëllime politike e kuptoj. Komisioneri për Diskriminim ka një raport për stigmatizimin dhe paragjykimin tim për prejardhjen nga Tropoja. Si mund të vendoset një stigmatizim i tillë për origjinën, dhe për më tepër nga brenda institucionit. Kjo është e papranueshme ndaj kujtdo, jo vetëm për mua”, u shpreh me tej gjatë seancës prokurorja Elisabeta Imeraj. Megjithatë pas debateve, seanca është shtyrë për të vijuar me pyetje-përgjigjet.