Opozita dhe mazhoranca kanë nisu me debate Komisionin e Edukimit ditën e sotme, pasi pjesë e rendit të ditës ishte edhe mesazhi i dërguar nga deputeti i Partisë Socialiste i qarkut Fier, Bujar Çela, që kishte të bënte me festat e 28-29 nëntorit. Çela uroi me foto të diktatorit Enver Hoxha, gjë që solli debate të shumta në grup. Opozita ka thënë se ky rast nuk duhet lënë të kalojë kaq lehtë.
Kreu i Komisionit, Agron Gjekmarkaj kërkoi që të mbahet një qëndrim ndaj këtij veprimi që sipas tij është provokim. “Këto ditë ka pasur disa ngjarje, provokative duhet të them unë. Duhet të mbajmë një qëndrim, deputeti ka provokuar pas 30 vitesh, duke kujtuar Enver Hoxhës në ditën e çlirimit. Shpresoj që deputetët socialistë të kenë një qëndrim publik për këtë”, u shpreh ai. Nga ana tjetër, Petro Koçi u shpreh se Partia Socialiste është e distancuar nga periudha e diktaturës. “Lidhur me mesazhin në Whatssap, mendoj se PS është e distancuar nga periudha e diktaturës, periudhë e vetëdeklaruar si e tillë. Kuptohet që në krye të kësaj ka qenë Hoxha”, tha ai. Por, për deputetët e opozitës veprimi i Çelës ishte i qëllimshëm dhe keqdashës.
Discussion about this post