Ambasada amerikane në Tiranë ka shpërndarë në faqen zyrtare një thirrje nga Samiti për Demokracinë si një mesazh të fundit pak para nisjes së Kuvendit Kombëtar të Sali Berishës.
Selia diplomatike e vendos theksin te shtyllat e demokracisë, të cilat sipas saj, nëse në shumë vende janë nën sulm nga qeveri autoritare ose aktorë të korruptuar që përpiqen të dobësojnë institucionet demokratike, duke nënkuptuar betejën e ish-kryeministrit pas shpalljes non-grata nga SHBA.
“Në shumë vende, shtyllat e demokracisë – liria për t’u mbledhur, liria e shprehjes, dhe liria për t’u organizuar – janë nën sulm nga qeveri autoritare ose aktorë të korruptuar që përpiqen të dobësojnë institucionet demokratike, të minojnë proceset demokratike dhe të gërryejnë besimin në parimet demokratike. Demokracia i ka themelet në premisën se ajo mbështetet nga populli dhe për popullin, prandaj pjesëmarrja qytetare në Samitin për Demokracinë është kaq e rëndësishme”, shkruan ambasada.
Ish-kryeministri Sali Berisha do të mbajë ditën e sotme Kuvendin Kombëtar të PD, të thirrur sipas tij për të rithemeluar partinë që ai vetë ngriti dhe drejtoi prej disa vjetësh. Ky event do të nisë në orën 10:00, ku do të marrin pjesë delegatë, anëtarë dhe simpatizantë të Partisë Demokratike. Prej 3 muajsh ish-kreu i PD-së, Berisha ka ndërmarrë një aksion në disa qytete të vendit, ku përmes ‘Foltores’ ka kërkuar që të shkarkohet kreu aktual Lulzim Basha dhe të zgjidhet një lider i ri demokrat
Discussion about this post