Deputetja e Partisë Demokratike, Albana Vokshi,ka deklaruar gjatë fjalës së saj në Kuvend sot se, PD po vërteton se është një forcë e madhe. Ndër të tjera ajo iu drejtori një mesazh demokratëve që nuk ishin të pranishëm në sallë. Vokshi tha në fjalën e saj në Kuvend, se të gjithë kanë nevojë për ta dhe se qëllimi i mbledhjes së sotme është për t’u bërë më të bashkuar.
“Të dashura zonja demokrate delegate, Te nderuar zotërinj delegatë, Të nderuar deputetë, ish deputetë, anëtarë të Komisionit të Rithemelimit të PD, E dashur Lili, E dashur Jozefina, I nderuat lideri historik i PD Prof. Dr. Sali Berisha, Të dashur demokratë dhe demokrate! Kjo është një nga ditët më të bukura të historisë së Partis Demokratike! Është dita e triumfit të vullnetit të lirë. ËSHTË DITA E TRIUMFIT TË VOTËS SË LIRË.!!
Kush ka patur dyshime se Partia Demokratike është forca ku gjithçka është e mundur, kush ka akoma pikëpyetje për fuqinë e demokracisë, ky Kuvend Kombëtar i Partisë Demokratike është përgjigja më e mirë. Unë jam rritur me Partinë Demokratike, jam gëzuar me të, jam dëshpëruar me të, kam fituar dhe kam humbur me Partinë Demokratike. Por kurrë, në asnjë moment nuk kam vënë në dyshim forcën tonë për t’u ringritur. Nuk kam vënë kurrë në dyshim vullnetin tonë për t’u përballur me të keqen dhe për të fituar”, u shpreh Vokshi.
Më tutje ajo tha se demokratët të gjithë së bashku do ta bëjnë Partinë Demokratike forcën politike moderne, që frymëzon të rinjtë, u gjendet në krah grave dhe vajzave, që mbështet më të mirët dhe ecën përpara drejt fitores
Discussion about this post