Aventura e Lionel Messit tek skuadra e PSG nuk ka shkuar si pritej. Argjentinasi nuk ka shënuar ende golin e parë në kampionat teksa starti i sezonit e ka shoqëruar me dëmtime të njëpasnjëshme. Kjo ka bërë që të ndizen zërat për një largim të mundshëm nga Franca ku ai ka firmosur një kontratë dy vjeçare me opsion rinovimi edhe për një tjetër.
Pak kohë më parë Messi theksoi se një ditë do të kthehet tek katalanasit në rolin e drejtorit por me uljen në stol të trajnerit Ksavi, Messi mund të rikthehet si futbollist për ta përfunduar karrierën tek Barcelona ku ka fituar çdo trofe të mundshëm si nga ana kolektive edhe nga ajo individuale. Mesi ka qenë pjesë e Barcelonës që në moshën 13 vjeçare dhe largimi nga “Kamp Nou” ishte tepër i dhimbshëm për gjashtë herë fituesin e Topit të Artë që nisi një aventurë të re larg Spanjës.
Discussion about this post