Një grua 43-vjeçare i ka dhënë fund jetës duke u helmuar me fotoksinë. Ngjarja ka ndodhur ditën e djeshme në Berat, ndërsa raportohet se viktima është shtetasja Pranvera Berisha.
Sipas raportimeve, ajo humbi jetën pasi ka konsumuar një sasi të konsiderueshme helmi fostoksinë në banesën e saj.
Raportohet se ishin familjarët ata që e kanë gjetur 43-vjeçaren në gjendje të rëndë dhe e kanë transportuar me urgjencë në spitalin e Beratit.
Mjekët pasi i kanë dhënë ndihmën e parë e kanë nisur me urgjencë drejt spitalit të Traumës në kryeqytet. Fatkeqësisht, ajo nuk ka arritur të mbijetojë dot dhe ka ndërruar jetë, pak orë pasi është shtruar tek Trauma.
Mësohet se Pranvera Berisha e ka marrë këtë akt ekstrem pasi kishte mësuar se vajza e saj ishte prekur nga një sëmundje e rëndë. 43-vjeçarja ishte pjesë e komunitetit rom dhe punonte në ndërmarrjen e pastrim-gjelbërimit të qytetit.
Discussion about this post