Të gjithë sytë e botës ishin në këtë ndeshje ndërsa pritej debutimi i Lionel Messit me klubin parisien.
Messi u transferua javët e fundit te PSG si agjent i lirë, por ende nuk e kishte bërë debutimin e tij, pas teknikaliteteve të shumta, dhe sërisht pjesën e parë e ka mbyllur në stol.
Gjithsesi, përpos fjalëve të ditëve të fundit se Mbappe kërkon largimin drejt Real Madrid, sërisht ky i fundit e ka treguar se është ende pjesë e kësaj skuadre, duke shënuar në minutën e 16’ golin e avantazhit, duke e mbyllur pjesën e parë me rezultatin 1-0 në favor të PSG.
Pjesa e dytë sërisht foli për PSG ku Mbappe sërisht gjen rrjetën në minutën e 64’. Pikërisht në këtë moment Pochettino e ka vlerësuar si të duhurin për të aktivizuar Messin.
Argjentinasi pas një pritje të gjatë, zbriti në fushë për të zëvendësuar shokun e tij Neymar, me të cilin shkëmbyen pozicionet.
Për skuadrën e Reims aktivizohen edhe kosovarët Valon Berisha dhe Arbër Zeneli, por ky i fundit nuk ishte i gatshëm pas një dëmtimi, ndërsa sa i përket Berishës, ai u aktivizua në minutën e 46’, duke u bërë shpeshherë faktor në fushë, ku u kthye në një nga pengesat më të mëdha për Mbappe në momentet e kundërsulmit.
