Edhe pse ata pranojnë se është praktikisht e pamundur të nënshkruajë me Leo Messin, shumë tifozë të Napolit po e thërrasin argjentinasin që të ndjekë gjurmët e Diego Maradonës.
Njoftimi i Barcelonës për largimin e Messit tronditi botën e futbollit të enjten, me tifozët nga e gjithë bota që ëndërronin nënshkrimin e tij me klubet e tyre të preferuara.
Sidoqoftë, me sa duket, vetëm PSG dhe Manchester City aktualisht mund të përballojnë 34-vjeçarin, kontratat e të cilit në Camp Nou skadoi në qershor 2021.
Ndonëse argjentinasi kishte arritur një marrëveshje me katalanasit, gjigantëve të La Liga -s iu desh të linin sulmuesin e tyre legjendar “për shkak të pengesave financiare dhe strukturore”.
Mijëra tifozë të Napolit po shpërndajnë mesazhe në rrjetet sociale, duke imagjinuar argjentinasin që merr stafetën nga Diego Armando Maradona i cili iu bashkua me ta nga Barcelona në 1984, duke ndihmuar skuadrën e Serie A të fitojë dy cmimet e vetme në historinë e tyre raporton ‘Football Italia’.
Maradona vdiq më 25 nëntor 2020 dhe Napoli e quajti stadiumin e tyre sipas legjendës së tyre.
Tani, tifozët e Napolit ëndërrojnë të shohin trashëgimtarin e tij të veshë përsëri fanellën e kaltër edhe pse e dinë që mund të jetë e pamundur./Gijotina.com
