Inter Miami do të jetë skuadra e fundit për të cilën do të luajë kapiteni i Argjentinës, Lionel Messi, në karrierën e tij. Për mediat, ylli argjentinas, u shpreh se ndihet pak i frikësuar nga mendimi se do duhet të lërë futbollit.
“Inter Miami do të jetë klubi im i fundit. Me pelqen te luaj futboll. Unë jam duke shijuar gjithçka edhe më shumë, sepse e di që ka mbetur gjithnjë e më pak. Nuk jam gati të largohem nga futbolli. Unë e kam bërë këtë gjatë gjithë jetës sime, më pëlqen të luaj futboll, më pëlqen stërvitja, përditshmëria, ndeshjet… Dhe po, gjithmonë ka pak frikë se gjithçka ka marrë fund”, tha Messi për ESPN.
Tetë herë fituesi i Topit të Artë, Messi po përgatitet me ekipin e tij kombëtar për të mbrojtur titullin e tyre në Copa America, me turneun që fillon më 20 qershor në Shtetet e Bashkuara.
Argjentina do të përballet me Kanadanë në ndeshjen hapëse, përpara se të përballet me Kilin e Grupit A më 25 qershor dhe Perunë katër ditë më vonë. Messi, një kampion bote me Argjentinën në vitin 2022, është nën kontratë me klubin e Major League Soccer deri në vitin 2025 pasi mbërriti verën e kaluar.
Discussion about this post