Presidenti i Partisë së Lirisë, Ilir Meta i është rikthyer akuzave ndaj kreut të SPAK Altin Dumani, teksa këtë të enjte u paraqit në Prokurorinë e Posaçme.
Meta shkoi në Prokurorinë e Posaçme rreth orës 10 e 30. Në një komunikim të shkurtër me gazetarët para hyrjes në SPAK, ai tha se ka shkuar të takojë “Dum Dumanin”, duke iu referuar kreut të SPAK, Altin Dumani.
“Kam ardhur të takoj Dum Dumanin. A e njihni dum dumanin kush është? Dum Dumani është ai që s’guxon të hapi çështjen McGonigal. Është ai që s’guxon të përmendi emrin e Edi Ramës. As për çështjen e Sali Berishës, unë po shkoj te Dum Dumani”, tha Meta.
Kreu i Partisë së Lirisë vijoi me sulmet ndaj drejtuesit të SPAK, Altin Dumani edhe pas daljes nga prokuroria e Posaçme, rreth tre orë më pas.
Në një prononcim për gazetarët, Meta tha se Dumani ka takuar Charles McGonigal. Ai shtoi se kreu i SPAK po sulmon opozitën me urdhër të Ramës, dhe se akuzoi se Dumani se nuk guxon të hetojë e të marrë në pyetje kryeministrin. Sipas tij, Dumani “bën akte kriminale kundër opozitës për të shpëtuar Edi Ramën”.
“E dini që SPAK është kthyer falë Dum Dumanit në një parti bashkëqeverisjeje të Edi Ramës. Unë jam pyetur tre orë kot më kot për gjëra që s’kanë të bëjnë me mua, por me veprimet e të tjerëve”, tha Meta.
I pyetur nga gazetarët se me çfarë cilësie u thirr në SPAK, kreu i PL-së u përgjigj: “Jam pyetur në cilësinë e kundërshtarit të këtij narkoshteti dhe narkoregjimi”.
Meta ka qenë dhe më herët në SPAK, ku është pyetur për hetimet mbi marrëveshjen e CEZ me kompaninë DIA në 2009-ën. Hetimet e SPAK lidhem me privatizimin e kompanisë dhe dyshimet për abuzime me mbledhjen e borxheve. Por një çështje tjetër për të cilën është denoncuar Meta përfolur është edhe ajo e lobimit nga SHBA.
Një ditë më parë, në SPAK u pyet për gati pesë orë bashkëshortja e Metës, deputetja Monika Kryemadhi. Për gazetarët, ajo deklaroi se është pyetur në cilësinë e personit që ka dijeni sa i takon hetimit pasuror ndaj saj. Mohoi të jetë ngritur ndonjë akuzë.
Lexo edhe:
Meta zbulon arsyen pse u thirr në SPAK: Karagjozllëqe, histori banale
SPAK hetim pasuror Kryemadhit, Meta: Unë merresha me politike, ajo me llogaritë
Discussion about this post