Deklaratat e bëra së fundmi nga ylli i Paris Saint-Germain, Lionel Messi i kanë habitur të gjithë. Në një intervistë të dhënë për ‘Sport’ argjentinasi ka zbuluar një ndodhi tronditëse.
Sulmuesi i PSG ka treguar se një prej miqve të tij më të vjetër te katalanasit, Gerard Pique e ka tradhtuar.
Nga ‘Radioestadio Noche’, Mascaro zbuloi se: “Messi e di që Pique i tha Laportas se nëse Messi largohej, asgjë e keqe nuk do të ndodhte”.
Deklaratë e cila është konfirmuar nga ‘pleshti’, i cili kur u pyet për lojtarët me të cilët mban akoma marrëdhënie të mira, nuk e përmendi Piquen.
“Po. Unë flas me Kun Agueron, i cili nuk ishte shok skuadre, por është një mik i madh. Flas gjithashtu me Busquest dhe Jordi Alba”-tha ai.
Ndër të tjera argjentinasi zbuloi edhe se në të ardhmen dëshiron të rikthehet te Barcelona në postin e drejtorit sportiv të saj./K.T/Gijotina.com
