Ish-fituesi i Topit të Artë, Michael Owen ka habitur me deklaratën e bërë së fundmi për skuadrën e PSG-së.
Ndërsa ka folur për BT Sport ai ka tronditur gjithë opinionin sportiv, teksa ka theksuar se treshja MMN (Messi, Neymar dhe Mbappe) e dobësojnë skuadrën e parisienëve.
Sipas tij PSG-ja mund të arrijë të fitojë vetëm nëse fut në fushë Donnarumman dhe Ramos, të cilët ende nuk kanë debutuar me skuadrën e tyre të re.
“Messi, Neymar dhe Mbappe janë fenomene. Por unë them se PSG është më e dobët me ata të tre. Nuk e kuptoj pse të gjithë thonë se PSG është favorite për Champions League. Unë besoj se skuadrat angleze, Chelsea, Liverpool, Manchester City dhe Manchester United janë shumë më lart. Lojtarët që do të mund të bëjnë diferencën për PSG në Champions janë Donnarumma dhe Sergio Ramos, jo Messi”, -u shpreh Owen.
Ndërsa ndeshja e mbrëmjes së mërkurë për Champions League e PSG-së me Club Brugge e cila u mbyll me barazimin 1-1, ka rezultuar zhgënjyese për parisienët./K.T/Gijotina.com
