Zëvendësimi i Lionel Messit është një episod që ka për të qenë për shumë gjatë në memorien e trajnerit të Paris Saint-Germain, Mauricio Pochettino.
Ai mori një reagim të ashpër nga fituesi gjashtë herë i ‘Topit të Artë’, ndërsa kritikat ndaj atij veprimi të teknikut ishin të shumta.
Megjithatë duket se Pochettino e ka marrë mësimin e tij dhe në konferencën e fundit ka theksuar se Messi, Neymar dhe Mbappe janë më të mirët në botë dhe nëse ata janë në gjendje të luajnë nuk kanë pse të zëvendësohen.
“Po flasim për më të mirët në botë. Nëse nuk kanë ndonjë problem përse t’i zëvendësojmë? Edhe pse ndonjëherë mund të mos luajnë siç presim, me talentin e tyre, mund të jenë vendimtar në çdo moment. Klubi ka sakrifikuar për t’i sjellë dhe ju nuk mund t’i vlerësoni këto lloje lojtarësh si çdo lojtar tjetër”, u shpreh trajneri i PSG-së./K.T/Gijotina.com
Discussion about this post