Lionel Messi ka rënë dakord për një ulje page pasi Barcelona e siguroi argjentinasin se një rikthim ishte i mundur, sipas radios spanjolle Cadena SER.
Barça pritet t’i ofrojë kampionit të botës një pagë prej rreth 10-13 milionë euro në vit, që do ta vendosë atë në vendin e 3-të në listën e lojtarëve më të paguar nga blaugranat. Te PSG, Messi fiton 35 milionë euro.
Barcelona gjithashtu do të punojë për uljen e pagave për lojtarët e tjerë për të ndihmuar regjistrimin e Messit në La Liga.
Më herët u raportua se është jashtëzakonisht e rëndësishme që Messi të dijë të ardhmen e tij para fundit të sezonit. Nëse rikthimi i tij te Barcelona rezulton i pamundur, ai thuhet se do të nënshkruajë një kontratë të re me parisienët.
Discussion about this post