Kalimi i Lionel Messit të PSG-ja i ka bërë të gjithë kurioz për përshtatjen e tij te parisienët dhe marrëdhëniet që ka me shokët e rinj të skuadrës.
Atje argjentinasi është ribashkuar me disa miq, gjë që e ka ndihmuar atë të integrohet shpejt në atmosferën e dhomës së zhveshjes. Ndërsa fakti që aty ka disa lojtarë nga Amerika e Jugut, do të thotë se gjuha mbizotëruese është spanjishtja, një tjetër bonus për Messin.
Di Maria dhe Paredes janë kujdesur veçanërisht për ta bërë Messin të ndihet i mirëpritur, ndërsa disa javë pas mbërritjes së tij në Paris, Messit iu dhurua nga Paredes, një pikturë nga artisti francez Kamal Hill, që përshkruante festimet e Argjentinës, pasi fitoi Kupën e Amerikës verën e kaluar.
Atje ‘pleshti’ ka gjetur edhe një prej miqve të tij më të afërt Neymar, ish-bashkëlojtari i Barcelonës, Rafinha dhe një shok tjetër si Marco Verratti, me të cilët ishte me pushime në Ibiza, para se bisedimet e tij me Barcelonën të dështonin./K.T/Gijotina.com
