Mësuesit e Belshit kanë njoftuar se do të ngrihen në protestë ditën e enjte, ndërsa arsyeja është mosmarrja e pagesave për transportin. Sipas tyre, prej 3 muajsh nuk kanë marrë asgjë e kështu janë detyruar të marrin atë vendim. Në lidhje me këtë lajm ka reaguar dhe Zyra Arsimore e Belshit, e cila kërkon mirëkuptimin e mësuesve për këto vonesa.
Njoftimi i bërë nga Zyra Arsimore Belsh:
“Përshëndetje!
Doja t’iu vë në dijeni dhe të kërkoj mirëkuptim tuaj bashkë me mësuesit , që për këtë muaj do ketë një ndalesë në pagë (prej 4000 lekë) për mungesë fondi .
Ju siguroj që kjo është zgjidhje momentale dhe për shumë pak ditë.
Është kërkuar shtesë fondi në MASR dhe është miratuar .
Për të mos u vonuar më shumë paga ,është bërë kjo zgjidhje dhe menjëherë pas kryerjes së veprimeve do likujdohet pjesa e prapambetur.
Per këtë kerkoj t’iua bëni me dije edhe mësuesve dhe të na mirëkuptojnë.
Përveç kësaj që ju thashë më lart dhe kerkoj të qetësoni mësuesit e shkollave tuaja, është momentale ajo pjesë .
Nesër dua të më sillni ngarkesën mësimore për shkollën tuaj në mëngjes (edhe përse e keni sjellë më parë) , për ndryshimet që mund të jenë bërë nga ajo e para që keni sjellë.
Presin inspektim nga MASR , dhe mund të jeni edhe ju të pranishëm”
