Mësuesit nga Fieri dhe nga qytetet të tjera që japin mësim në bashkinë Rroskovec nuk kanë marrë lekët e transportit prej 5 muajsh. Mësohet se 174 mësues nuk kanë marrë pagesën që u shkon rreth 10 mijë lekë në muaj. Kryetar i Sindikatës së Arsimit në Roskovec Festim Metaj tha se pagesa për transportin dhe vështirësinë në punë është vonuar prej 5 muajsh.
Deklarata
“Kemi këtë problem 5 muaj, nga 230 mësues në Roskovec, 174 vijnë nga Fieri e kemi 5 muaj që nuk marrim pagesën e transportit. Po kështu na është mohuar dhe vështirësia në punë që do të thotë na është mohuar një rrogë shtesë. Një mësues nga Fieri në Roskovec merrte 100 mijë lek, prej 5 muajsh nuk i merr më. Kemi marrë kontakt me drejtorinë arsimore, kjo e fundit në ministri dhe s’kemi marrë zgjidhje u bënë 5 muaj. I bëjmë thirrje ZVA Roskovec, Ministrisë së Arsimit ta marrë seriozisht këtë ankesë. Na kanë thënë që në shkurt te vitit kaluar ka dalë një VKM, por ne nga shkurti e deri në shtator i kemi marrë lekët nga shtatori e deri më sot jo. Mësuesit më kërkojnë të hidhemi në protestë, po e shohim këtë mundësi si sindikatë”, shprehet Metaj.
Ndërkohë që mësuesja e shkollës së mesme “Adem Vrapi” në Roskovec Dezdemona Karafili, njëherësh nënkryetare e sindikatës paralajmëroi protesta dhe grevë.
“Kemi kryer veprimet tona dhe do ta përshkallëzojmë situatën deri në grevë nëse lekët e rrugës tonë do të mbahen. Është një procedurë e jashtëligjshme. Në shtator deri në dhjetor i bie deri në 12 milionë lekë të vjetra që mbahen për të gjithë mësuesit e zonës. Ne kemi çuar këtë letër me një peticion prej 34 firmash të mësuesve. Kemi çuar në organet kompetente në ZBA-në e Roskovecit, kemi çuar letër dhe në kryeministri”, thotë Karafili. /ReportTv/.
Discussion about this post