Kryetari i Partisë së Lirisë, Ilir Meta reagoi dje pas deklaratave të kryeministrit Rama se demokratët duhet t’ia fusin gjumit dhe të mos dalin në votime në 14 maj.
Ai u shpreh se bojkotimi i zgjedhjeve do të thotë që Rilindja të vijojë të mbetet në pushtet dhe vjedhë buxhetin e shtetit.
Meta në një deklaratë për mediat, tha se Rama është i tmerruar nga bilanci katastrofik në zgjedhje ndaj dhe bën thirrje të tilla, por kjo gjë nuk do ndodhë pasi qytetarët do përmbushin vullnetin e tyre demokratik.
“Nga një ditë historike për rikthimimin e pluralizmit, llogaridhënies jo vetëm në nivel vendor por të gjitha.
Edi Rama është i tmerruar, kur e ka shumë të qartë bilancin e tij katastrofik nga kukullat që i ka paraqitur qytetarëve, e detyron të bëjë thirrje dhe për pjesëmarrje të ulët në zgjedhje dhe demokratëve i thotë t’ja fusin gjumin.
Si mund të flenë gjumë demokratët, kur kanë fëmijët jashtë dhe ata që jetojnë këtu për shkak të mungesës duan të largohen nga vendi. Nuk do të ketë gjumë në këto 4 ditë, edhe natën do ta bëjmë ditë, së bashku me të gjithë socialistët.
PS ka plaçkitur vendin për 10 vite me radhë. Dua ti kërkoj qytetarëve që të përmbushin detyrimin e tyre patriotik, në këto momente kritike për të shprehur vullnetin e tyre demokratik, abstenimi nuk është zgjidhje përkundër ndihmon që qeveria të zhytë vendin në borxhe.
Të gjithë të bëhemi pjesë e ndryshimit, ai që nuk voton, nuk ka të drejtë të ankohet. Jam besim plotë se qytetarët e kanë bërë zgjedhjen e tyre, dhe ata do të marrin pjesë në zgjedhjet e 14 majit dhe ndryshimit për një të ardhme më të mirë.”, u shpreh Meta.
Discussion about this post