Presidenti Ilir Meta ka marrë pjesë në homazhet për nënkomisarin Saimir Hoxha, që po mbahen në Pallatin e Brigadave.
Para gazetarëve, Meta u shpreh se ky është një moment i dhimbshëm për familje e të ndjerit, ndërsa shtoi se lufta nda trafikut të drogës është prioritet çdo kohë.
“Është një moment i dhimbshëm që ti japim lamtumirën e fundit një nënkomisari të shkëlqyer, që nuk e meritonte të ndahej nga familja. Sigurisht që është një moment reflektimi, për luftën kundër krimit të organizuar, është një prioritet lufta çdo sekondë kundër trafikut të drogës, atyre që përfitojnë prej saj, dhe për të shpëtuar sa më shumë të rinj dhe fëmijë që për fat të keq bien pre e këtij fenomeni shkatërrimtar. Kjo është një luftë që duhet bërë çdo sekondë, dhe nuk duhet të kujtohemi vetëm në momente të tilla tragjike”, tha Meta.
Efektivi Saimir Hoxha u vra ditën e djeshme në krye të detyrës nga 21-vjeçarit Aldi Rama, ndërsa aktualisht kanë nisur homazhet në Pallatin e Brigadave që do të vijojnë deri në orën 15:00.
