Presidenti i Partisë së Lirisë, Ilir Meta ka dënuar sulmin me armë ndaj ish presidentit të SHBA-ve Donald Trump.
Ai thotë në reagimin e tij se Donald Trump u plagos për shkak të ideve dhe vizionit të tij për të bërë Amerikën përsëri të madhe.
Meta shton se u bashkohet lutjeve për familjet që humbën të dashurit dhe për shërimin sa më të shpejtë të Presidentit Trump.
“Dënoj me ashpërsinë më të madhe sulmin me armë ndaj Presidentit Trump, i cili për fat të mirë i shpëtoi atentatit në Pensilvani, që fatkeqësisht shkaktoi dhe viktima të pafajshme.
U bashkohem lutjeve për familjet që humbën të dashurit dhe për shërimin sa më të shpejtë të Presidentit Trump, i cili mori një plumb për shkak të ideve dhe vizionit të tij për të bërë Amerikën sërish të Madhe.
Solidaritetin e plotë me Presidentin Trump, të cilit i uroj sa më parë të rikthehet edhe më i fortë në betejën e tij të pandalshme për mbrojtjen e vlerave të SHBA dhe kombit mik amerikan!”, shkruan Ilir Meta.
Discussion about this post