Presidenti Ilir Meta dekoroi ambasadorin e Republikës së Çekisë në vendin tonë, njëkohësisht edhe Dekanin e Trupit Diplomatik, Jaroslav Ludva me Titullin “Për Merita të Veçanta Civile”.
Titulli iu dha si vlerësim nga Meta për veprimtarinë diplomatike dhe mbështetjen ndaj procesit të integrimit evropian të vendit tonë.
“Në këtë kontekst vendoset edhe kontributi i vyer i Ambasadorit Ludva për forcimin e mëtejshëm të marrëdhënieve dypalëshe, për mbështetjen e palodhur të procesit të integrimit europian të vendit tonë, si dhe për angazhimin e tij të spikatur në çështje të rëndësishme civile, në ndihmë të komunitetit dhe institucioneve shqiptare”, shkruan Meta.
Sipas Metës, Ludva mbetet shembull i diplomatit që respekton Shqipërinë, popullin dhe traditat, ndërsa shton se ai do të jetë gjithmonë i mirëpritur këtu.
Discussion about this post