Presidenti Ilir Meta këtë të premte ka qenë në Korçë, nga ku në një deklaratë për mediat komentoi disa nga zhvillimet e ditëve të fundit, duke vënë theksin te zgjedhjet lokale të 6 marsit.
Meta vendosi t’i shmanget pyetjeve për 11-vjetorin e 21 janarit, ndërsa shprehu me bindje se pasi t’i mbarojë mandati i Presidentit do t’i rikthehet fuqishëm skenës politike në vend.
“Jemi në një ditë të tillë jemi për të dhënë mesazh për artin dhe kulturën. Nuk jemi këtu për aktorët politikë por për të theksuar rëndësinë e rivendosjes dhe integritetit të votës së lirë në themel të institucioneve tona, sepse është tronditur mjaft rëndë. Nuk kam interes çdo të thotë Gjykata Kushtetuese për Kuvendin për të dhënë intervistë tek Cim Peka, do të vazhdoj deri më 24 korrik dhe mezi po pres të shpëtoj nga shoqëruesit dhe makinat që më shoqërojnë. Mesi po më pret populli i 2 marsit t’i bashkohem. Unë do të kthehem tek populli i 2 marsit i ka të gjitha majtas dhe djathtas. Edi Rama nuk ka filluar, ka qenë ndeshje e shitur ndeshje e shitur pa filluar. Unë s’marr pjesë në zgjedhjet e 25 prillit apo të 6 marsit. Aman në zgjedhjet e para pasi të heq kostumin e presidentit do të dal në krah të popullit. Nuk jam nga ata që kanë frikë”, tha Meta.
Sa i përket 6 marsit, Meta ka bërë me dije se është e domosdoshme që qytetarët e këtyre bashkive të marrin pjesë në zgjedhje dhe të shprehin të drejtën e tyre me votë të lirë. Ndër të tjera ai ka bërë apel palëve politike që të zgjedhin kandidatë të denjë.
Discussion about this post