Kryetari i Partisë së Lirisë, Ilir Meta, është shprehur i bindur për një fitore të padiskutueshme në Tiranë, Durrës dhe Elbasan.
Komentet Meta i bëri teksa ishte i ftuar në Syri TV, ku foli rreth zgjedhjeve të 14 majit.
Meta tha se në Sarandë kandidati i vendosur nga kryeministri Edi Rama do të dalë i treti.
Ai shprehu bindjen te fitorja edhe në Bashkitë e Korçës dhe Pogradecit.
Sipas Metës, në zgjedhjet parlamentare të 2021, opozita nuk humbi, por u shit.
“Ka mbaruar kjo histori. Ai asnjëherë nuk ka fituar zgjedhje. Ose i ka vjedhur ose i ka blerë. Kjo histori ka mbaruar nuk ka diskutim. Në radhë të parë socialistët që e kanë kuptuar që janë uzurpuar nga një bandë. Nuk kemi çfarë t’i bëjmë. E gjithë përpjekja e tij ishte që opozita nuk ishte në zgjedhje. Ai ka një problem të madh me Liken sepse 6 marsi ja prishi skemën”.
Discussion about this post