Ish-Presidenti Ilir Meta, kryetar i Partisë së Lirisë, ka reaguar pas raportit vjetor që KLSH ka paraqitur në Kuvend, sipas të cilit gjatë vitit 2022, abuzimet me fondet (vjedhje dhe shpërdorime) arrijnë në 138 miliardë lekë.
Meta shkruan se korrupsioni është i vetmi qëllim madhor i “Rilindjes”!
“Vetëm lufta e hapur dhe pa kompromis kundër korrupsionit parandalon falimentimin e Shqipërisë dhe rikthen shpresën tek të rinjtë, që në masë po detyrohen të braktisin vendin!
Çlirimi i Shqipërisë nga korrupsioni dhe kapja e shtetit, si dhe rivendosja e Llogaridhënies është interesi dhe prioriteti ynë kombëtar!”, shkruan Meta
Postimi nga Ilir Meta
Korrupsioni është i vetmi qëllim madhor i “Rilindjes”!
Kontrolli i Lartë i Shtetit ka konstatuar një dëm ekonomik prej 138 miliardë lekë gjatë vitit 2022 për shkak të keqmenaxhimit të fondeve publike dhe shkeljeve ligjore, ku dëmi më i lartë prej 107 miliardë lekë lidhet me Tatimet dhe Doganat.
Vetëm lufta e hapur dhe pa kompromis kundër korrupsionit parandalon falimentimin e Shqipërisë dhe rikthen shpresën tek të rinjtë, që në masë po detyrohen të braktisin vendin!
Çlirimi i Shqipërisë nga korrupsioni dhe kapja e shtetit, si dhe rivendosja e Llogaridhënies është interesi dhe prioriteti ynë kombëtar!
Discussion about this post