Kryetari i Komitetit Organizativ të Partisë së Lirisë, Ilir Meta, referuar dhe skandalit të bërë publik me drejtorin e Doganave Gent Gazheli, tha se drejtuesit e PS “vdesin për çik Doganë”, duke kujtuar dhe një përplasje të tij me Fatos Nanon.
“Mosmarrëveshjet e mia në atë kohë si ministër i Jashtëm me Fatos Nanon që ishte kryeministër se u bllokua marrëveshja e stabilizim asociimit se lidershipi socialist atëherë e për fat të keq akoma më shumë tani vdes për çik Doganë, e kanë këtë punën e Doganave këta e kanë problem shumë të madh dhe unë bëra tërë ata kundërshtarë kur isha kryeministër vetëm se mbylla traun e Doganave dhe ju e dini si u rritën të ardhurat. Këta për Doganat vdesin dhe atëherë për doganat e bllokuan integrimin evropian te Shqipërisë. E atëherë unë i thashë atij zotërisë unë nuk shkoj më në Bruksel për hajdutllëqet tuaja të gënjej. E u bë ajo përplasja e u krijua ajo forcë e re politike, falë asaj ndodhi rotacioni në vend”, tha Meta.
Discussion about this post