Meta “lëshon bombën”: Do ndërtojnë kompleks te Varrezat e Dëshmorëve

Kryetari i PL, Ilir Meta bëri një denoncim, që është me të vërtetë i rëndësishëm për sa i përket dëshmorëve të kombit shqiptar, gjatë intervistës së tij për televizionin “Syri”.

Ish-presidenti i vendit deklaroi se po tentohet spostimi i Varrezave të Dëshmorëve të Kombit, për të ndërtuar kompleks.

“Po të lihen këta, jo vetëm Pallatin e Brigadave do ta kafshojnë, kishin një plan, më dërgonin një sekser që po doli ky plani ti ke ndonjë problem për Pallatin e Brigadave?

Sikur ta hapim kështu, ta shikojmë…Këtë punë bëjnë këta. Po ta dinë edhe veteranët që këta i kanë vënë syrin edhe Varrezave të Dëshmorëve për t’i spostuar për të ndërtuar një kompleks.

Këta nuk ndalen në babëzinë dhe papërgjegjshmërinë e tyre. Edhe këtë plan e kanë. Duhet të ndalojmë shkatërrimin e Tiranës, të Durrësit, të Beratit. Në qendër të Beratit një beton i tmerrshëm”, u shpreh Meta./Syri.net