Presidenti i vendit, Ilir Meta, ka dalë sot me thirrje të forta ndaj të rinjve shqiptarë dhe akuza të forta ndaj qeverisë. I pranishëm në një ceremoni diplomim, Meta tha se të rinjtë shqiptar nuk duhet t’i nënshtrohen kësaj qeverie që po merr fatin e tyre në dorë, por duhet të ngrihen të gjithë kundër shpopullimit të vendit.
“Thellësisht i lumtur të merrja pjesë sonte në ngjarjen më të rëndësishme dhe të gëzueshme të jetës së çdo studenti, ceremoninë e diplomimit të të rinjve që mbaruan studimet në ”Canadian Institute of Technology”, që përkonte edhe me 10-vjetorin e themelimit të këtij institucioni prestigjioz dhe cilësor të arsimit tonë të lartë. Së bashku me urimet më të përzemërta, për suksese në të ardhmen në fushat që kanë përzgjedhur për të investuar dijet e tyre, i ftova të bashkojmë energjitë për të dekurajuar plagën e madhe, shpopullimin e Shqipërisë nga të rinjtë”, shkruan ai. Kujtojmë se në kohët e fundit presidenti i ka shtuar thirrjet e tij ndaj popullit për t’u ngritur kundër qeverisë.
Discussion about this post