Erling Haaland është një nga lojtarët më në formë të momentit në Europë dhe e ka konfirmuar veten si një golashënues që mund t’i japë fitoren skuadrës në çdo moment.
Prandaj transferimi i tij nga Borussia Dortmund në një klub tjetër nuk mund të bëhet pa menduar. Agjenti i norvegjezit, Mino Raiola ka treguar për “Sport 1” se prej dy vitesh po mendohet se cili do të jetë destinacioni i radhës i Haaland.
“Kemi dy vite që mendojmë. Kemi ide të qarta se ku duhet të shkojë Haaland. Përveç kësaj, ai është i vetëdijshëm për forcën e tij si lojtar dhe e di se mund të kushtëzojë merkaton. Ne nuk jemi të ndikuar nga merkato. Mund të ndikojmë me një lojtar si Haaland. Vërtetë, është një lojë e dytë paralele me futbollin. Dy ditë ndeshje dhe pesë thashetheme”, tha italiani.
Lube të ndryshme europiane janë përfolur se kanë interes për 21-vjeçarin, duke filluar nga Real Madrid, Manchester United dhe Barcelona, ndërsa gjermanët nuk duan ta lënë pa ardhur një ofertë e majme.
Discussion about this post