Ilir Meta, kreu i Partisë së Lirisë, u shpreh pasditen e sotme se programi i Rilindjes është shkatërrimi i familjes. Meta tha se qëllimi i tyre është zhbërja e familjes shqiptare dhe ky ështe sulm kunder identitetit kombetar.
Duke prezantuar paketën e mbështetjes për familjen, PL propozon që nënat me dy dhe më shumë fëmijë të diferencohen në taksimin mbi pagën dhe të ardhurat.
Gjithashtu propozohet që të jepet paga e plotë për një vit kalendarik, për lejet e lindjes.
Paketa e propozuar nga kreu i PL-së
1. Nënat me 2 dhe më shumë fëmijë të diferencohen në taksimin mbi pagën dhe të ardhurat.
2. Të jepet paga e plotë, për një vit kalendarik, për lejet e lindjes.
3. Të mbështeten me kredi, deri në 20,000 euro, me interesa të subvencionuara nga shteti, çiftet e reja.
4. Të mbështetjen me grante deri në 20.000 euro, sipërmarrësit e rinj, deri në moshën 25 vjeç, që krijojnë biznese sociale dhe start-up-e.
5. Të trefishohet bonusi i bebes.
6. Të krijohet “Shporta e bebes”, me ushqimet bazë dhe artikuj të higjenës, për të cilat të bëhet rimbursimi deri në 10% të TVSH sipas faturave të blerjes.
Discussion about this post