Presidenti Ilir Meta tashmë ka dekretuar 6 marsin si datën për mbajtjen e zgjedhjeve të pjesshme vendore në 6 bashki. Në një postim në rrjetin social “Facebook”, Meta bën me dije se në datën 6 mars 2022 do të mbahen zgjedhjet për bashkitë Shkodër, Dibër, Durrës, Vorë, Rrogozhinë dhe Lushnjë.
“Sapo dekretova caktimin e datës 6 mars 2022, për zhvillimin e zgjedhjeve të pjesshme vendore për kryetar bashkie në Shkodër, Dibër, Durrës, Vorë, Rrogozhinë dhe Lushnjë. Uroj që ky proces të jetë një shembull i besimit te demokracia dhe vota e lirë! ”, shkruan Meta.
Ditën e djeshme presidenti Meta zhvilloi një takim me kreu e grupit parlamentar të PS, Taulant Balla për të diskutuar për datën e zgjedhjeve ku tha se ky i fundit i kishte dhënë garanci që do futeshin, ndërsa nga opozita nuk ka një reagim nëse do të marrim pjesë apo do t’i bojkotojnë sërish.
Discussion about this post