Presidenti Ilir Meta, përmes një postimi në rrjetet sociale, i ka drejtuar një thirrje qeverisë që të dëshmojë ndjeshmërinë dhe përgjegjësinë e duhur në adresimin e të gjitha çështjeve që po shqetësojnë me të drejtë qytetarët, të cilët prej ditësh po protestojnë, në mbarë vendin.
Meta shkruan se qytetarët po protestojnë për dinjitetin dhe të drejtat e tyre thelbësore.
Gjithashtu, Presidenti i ka drejtuar një thirrje Policisë së Shtetit për t’u distancuar nga dhuna e papranueshme dhe ndalimet e pajustifikuara.
Reagimi i Presidentit ka ardhur në një kohë kur nga forcat policore është ndërhyrë në mënyrë të dhunshme ndaj qytetarëve protestues, ndërsa nga raportimet në 3 ditët e fundit ka pasur disa qindra të shoqëruar në komisariate.
Discussion about this post