Kryetari i partisë së Lirisë, Ilir Meta ka reaguar sërish për aksionin e paligjshëm të IKMT-së në “Prestige Resort”, aksion që ka hyrë në ditën e dytë për shembjen e një tjetër pishine.
Nëpërmjet një shkrimi në Facebook, Meta thotë se Shqipëria po bëhet gazi i botës në mediat e huaja, pasi sipas tij, kryeministri Rama në kulmin e sezonit turistik, ka sulmuar një prej investimeve më prestigjioze në gjithë bregdetin Adriatik.
Reagimi:
Në vend të promovojmë vlerat më të mira dhe atraktive të turizmit shqiptar, që këtë vit lëngoi më shumë se kurrë për shkak të mosmbështetjes nga Qeveria, po bëhemi gazi i botës në mediat e huaja për shkak të pushtetit të korruptuar dhe të inkriminuar të Edi Ramës, që në kulmin e sezonit turistik çon rruspat e antiligjit në një nga investimet më dinjitoze në Adriatik.
Boll e nxive imazhin e Shqipërisë dhe shkatërrove turizmin shqiptar!
Discussion about this post