Ish-presidenti dhe kreu i Partisë së Lirisë, Ilir Meta ka pritur në një takim përfaqësues të federatës Pan-Shqiptare “Vatra”. Përmes një postimi në Facebook, Meta shprehet se gjatë takimit u ndanë idetë për forcimin e marrëdhënieve mes Shqipërisë diasporës në SHBA.
Më tej, kreu i PL thekson se u shprehu dhe mirënjohjen “Vatrës” për promovimin e identitetin kombëtar shqiptar në SHBA.
“I lumtur të mirëprisja sot në një takim vëllazëror një përfaqësi të Federatës Pan-Shqiptare “Vatra”, z.Mondi Rakaj, z.Tasim Ruko dhe z.Mersin Gjini, të cilët i falenderova edhe njëherë për pritjen shumë të ngrohtë në Neë York ku festuam së bashku 110-vjetorin e themelimit të saj.
Mirënjohje angazhimit të palodhur dhe përpjekjeve shekullore të vateranëve për të shpëtuar kombin shqiptar, mbrojtur dhe promovuar identitetin tonë kombëtar europian, mundësuar pavarësinë e Shqipërisë dhe të Kosovës, si dhe përshpejtuar proceset tona demokratizuese dhe integruese.
Ndamë shumë ide të çmuara për rëndësinë e forcimit të marrëdhënieve mes Shqipërisë dhe diasporës tonë në SHBA, për të qenë pjesëmarrës shumë më aktivë dhe vendimmarrës në zhvillimet e vendit tonë.”-shkruan Meta.
Discussion about this post