'Metamorfoza', Astmer Bilali kërkon masë më të lehtë sigurie -

‘Metamorfoza’, Astmer Bilali kërkon masë më të lehtë sigurie

Astmer Bilali, një nga 6 të arrestuarit e operacionit Metamorfoza, ka apeluar ne Apelin e GJKKO masën e sigurisë së arrestit me burg të caktuar nga Gjykata e Posaçme.

Gjatë operacionit të shtrirë në disa qytete të vendit ku u arrestuan policë, biznesmenë dhe prokurorin e Kukësit, policia arrestoi edhe Astmer Bilalin e bandës së Bajrave.

Astmer Bilali ishte angazhuar për vrasjen e Ibrahim Licit, Dorian Duli dhe Genc Tafilit, të cilët do ekzekutoheshin në varrimin e Indrit Rrajës.

Për vrasjen e tyre u angazhuan Astmer Bilali, Prekë Kodra, Aleks Ndreka dhe persona të tjera, ndërsa porosia vinte ekskluzive nga Behar Bajri, teksa dijeni ka pasur edhe Pëllumb Gjoka, i cili jep herë pas here informacion për grupin kriminal.

Në zbardhjen e përgjimeve të aplikacionit SkyECC Behar Bajri komunikon me Astmer Bilalin. Vrasjen e Ibrahim Licit e kërkojnë me çdo kush të dy, jo vetëm Behar Bajri, por edhe vetë Astmer Bilali, edhe pse kanë qenë shok fëmijërie.

Asmer Bilali, është me precedentë penalë të mëparshëm në policinë e Shkodrës si i dyshuari kryesor për plagosjen e Hermes Beqirit në një nga lokalet e qytetit.

Për ngjarjen e ndodhur në vitin 2017, Asmer Bilali u arrestua në fshatin Grudë ku ishte larguar me motorin e tij për t’iu fshehur policisë. Atij iu gjet edhe një armë tip pistoletë që mendohet se është përdorur për kryerjen e krimit.