Gjykata e Apelit të Posaçëm ka shtyre seancën për shqyrtimin e ankimimit për masat e arrestit për gjashtë të arrestuarit e operacionit ‘Metamorfoza’.
Seanca eardhshme do të zhvillohet me datë 31 gusht.
Bëhet fjalë për biznesmenin Pëllumb Gjoka, prokurorin Xhevahir Lita, ish-shefin e operacionales, Oltion Bistri, ish-efektivin Adrit Hasanbegaj, Asmer Bilalin, Edmond Prekën, ky i fundit shoferi i biznesmenit Gjoka. Prokuroria ka lëshuar në total 15 urdhër arreste dhe vetëm gjashtë prej tyre janë ekzekutuar.
Për të tjerët, mes të cilëve edhe Behar Bajri dhe Ervis Martinaj, janë lëshuar urdhër arresti por janë shpallur në kërkim. Ndaj tyre rëndojnë 12 vepra penale, nga ajo e “Vrasjes me paramendim”, “Grup i strukturuar kriminal”, “Korrupsion i zyrtarëve të lartë shtetëror” deri në “Shpërdorim detyre” e “Pastrim parash”.
Prokuroria pretendon se ka zbuluar katër atentate, mes të cilëve edhe ekzekutimin e Gjin Boriçit, ngjarje kjo e ndodhur në vitin 2020 në Shkodër. Sipas Prokurorisë, të gjitha këto ngjarje kriminale janë zbuluar nga të dhënat që kanë siguruar autoritetet e huaja, të siguruara nga komunikimet përmes SKY dhe EncroChat.
Avokat i Pëllumb Gjokës, Ylli Manjani pas përfundimit të seancës është shprehur se nuk duhet të zhvillohen gjyqe të mbyllura.
Po ashtu, Manjani tha se për të lidhur një person me një ngjare, duhet të ketë prova konkrete dhe jo vetëm hamëndësime.
“SPAK ka të njëjtin qëndrim që ka prokurorët e vendeve të tjera. Jemi në sintoni të plotë. Në sallën e gjyqit nuk ka sekrete dhe nuk ka dosje hetimore. Nuk ka gjyqe të mbyllura vetëm Shqipëria i bën këto pisllëqe. Mediat të jenë në sallë”.
Discussion about this post