“Big Brother VIP” mesa duket nuk ka vetëm debate mes banorëve, por edhe pajtime.
Me anë të një video-montazhi, Fifi dhe Semi, kanë parë disa momente midis tyre ku kanë folur për njëra-tjetrën dhe marrëdhëniet që ato të dyja kanë pasur jashtë programit.
Fifi është shprehur se Semi nuk e ka falënderuar kur ajo i ka qëndruar shumë pranë në momente e vështira të jetës së saj, ndërsa Semi ka sqaruar se si qëndronte çështja.
Ajo thotë se nuk është një person që shprehet shumë me fjalë, duke theksuar se është një nga gjërat që duhet të ndryshojë tek vetja. Sipas saj ajo ka qenë gjithmonë mirënjohëse ndaj Fifit.
“Unë nuk jam njeriu që them faleminderit me fjalë. Mendoja se ia kisha thënë duke treguar gjërat e mia personale, që nuk ia them njeriu. Falënderova Florin, Klajdin, Brunon atë natë. Po të kam qenë mirënjohëse sidomos tani pas bisedës sepse e di që kam nevojë për një njeri që e di se si jam vërtet”- tha Semi.
Semi më pas i kërkoi falje Fifit, ku kjo e fundit ka pranuar që ka pasur edhe ajo një pjesë të fajit, por që tani kanë mbështetjen e njëra-tjetrës.
Filloreta thotë që e ndiente për t’u sqaruar me Semin dhe për të hequr energjitë negative midis tyre.
“Shumë mirë që u hap puntata me muhabetin tonë, se banorët se kanë kuptuar këtë gjendjen tonë. Kam ndjerë një lloj përgjegjësie, boshllëku, se realisht kam thënë është Semi brenda e kur kemi hy s’kemi fol me njëra tjetrën, pa sens fare. Por jam shumë e lumtur që mu rikthye shoqja. E kam parë shumë shpesh Semin keq, por unë e kuptoj që jam kokëmushkë. Por ditët e fundit e kam parë që s’ka qenë mirë. E ndjeva që duhet me u sqaru me Semin dhe me e heq këtë energji negative dhe me ia nis aty ku e kemi lënë përgjys”, tha Fifi.
Rikujtojmë se Fifi ka ka treguar disa momente nga marrëdhënia e saj me Semi, para se të bëheshin pjesë e “Big Brother VIP”. Gjatë bisedës me Granitin, Fifi ka treguar se Semi ka qenë në një gjendje mjaft të keqe dhe konsumonte vetëm cigare, alkool dhe ilaçe. Përpos kësaj, Fifi tha se Semi i shkruante minimumi dy herë në muaj, por ajo sërish nuk i kthente përgjigje. “Para se të hynim këtu, i kemi bërë bllok njëra-tjetrës,” tha ajo. / O.B / Gijotina.com
Discussion about this post