Ish-Sekretari i Shtetit dhe ish-drejtori i CIA-s, Mike Pompeo, ka pësuar një ndryshim drastik në trupin e tij. Ish-zyrtari i lartë amerikan, ka thënë se ka humbur 41 kg për 6 muaj. Ai nënvizon se humbjen në peshë e ka arritur falë ndryshimit të zakonit të të ngrënit, e jo si rezultat i një ndërhyrjeje.
“Kam lexuar shumë për këtë temë. Por gjatë kësaj periudhe, kam ngrënë më pak dhe jam ushtruar më shumë. Kjo është ajo që bëra”, u shpreh Pompeo.
Ai ka thënë më tej, se ka arritur të humbiste në peshë pa ndihmën e asnjë nutricionisti dhe trajneri personal, por vetëm duke ndryshuar drastikisht mënyrën e të ushqyerit. Pompeo po ashtu, është kuotuar si kandidat i mundshëm për President i SHBA, zgjedhje të cilat priten të mbahen në vitin 2024.
Discussion about this post