Oliver Varhelyi, Komisioneri i BE-së, përgjegjës për politikat e fqinjësisë dhe zgjerimit, shkaktoi të martën diçka që po vlerësohet si një skandal në Parlamentin Evropian.
Sipas mediave të huaja, pas njërës prej përgjigjeve të tij drejtuar një eurodeputeti kroat, mikrofoni i tij aksidentalisht mbeti i ndezur.
Dhe si pasojë, të gjithë mund të dëgjonin se si ai i “qortoi” eurodeputetët në hungarisht.
Siç bëhet e ditur, Komisioneri i BE-së iu përgjigj pyetjeve të deputetëve të Parlamentit Evropian në lidhje me zgjerimin e BE-së në Ballkanin Perëndimor.
Varhelyi iu përgjigj një pyetjeje të eurodeputetit kroat Tomislav Sokol dhe pasi u ul në vendin e tij, harroi mikrofonin të ndezur dhe tha: “Sa idiotë të tjerë ka këtu?”, me sa duket duke iu referuar eurodeputetëve të tjerë.
Kështu, ai ka nxitur reagime deri në kërkesën se ai të japë dorëheqjen menjëherë, duke bërë thirrje që Ursula von der Leyen, kryetarja e Komisionit Evropian ta shkarkojë atë.
Parlamenti Evropian votoi një vlerësim më 18 janar për punën e KE, duke thënë se Varhelyi përpiqet të anashkalojë rëndësinë e shtetit të së drejtës dhe reformave demokratike.
Pas kësaj, më 19 janar, Parlamenti Evropian bëri thirrje për një hetim nëse komisioneri i zgjerimit i bllokut Oliver Varhelyi ka shkelur kodin e sjelljes së ekzekutivit të BE-së.
Në amendamentin, i shtyrë kryesisht nga socialistët, ligjvënësit e BE-së akuzuan Varhelyi për “shmangie dhe dobësim të qëllimshëm të qendrës së reformave demokratike dhe shtetit të së drejtës në vendet në rrugën drejt anëtarësimit në BE.
After Commissioner @OliverVarhelyi replies to questions by MEPs, he takes his seat, you can clearly hear him saying: “How many other idiots are still there?” pic.twitter.com/TR8xwwc4V0
— Sándor Rónai (@sandor_ronai) February 14, 2023
Discussion about this post