Rektorit te Universitetit te Mjekësisë, Arben Gjatës, i denoncohet në KPP tenderi 110 milionë lekë. Me sa duket grupet që ka ngritur Ogerta Manastirliu brenda sektorit të mjekësisë po përçahen. Kështu, miqtë e saj kanë bllokuar tenderin Gjatës. Konkretisht në vendimin e publikuar nga Komisioni i Prokurimit Publik bëhet me dije se me datë 5 janar 2023 janë dorëzuar dy ankesa për tenderin me objekt “Blerje materiale laboratorike dhe materiale stomatologjike, për njësitë shpenzuese të Universitetit të Mjekësisë, Tiranë”.
Ky projekt supozohej të vihej në zbatim pas datë 16 janar kur do të shpallej fituesi. Por, kompania “Egian Med” SHPK e Fatos Lushit dhe firma “Krijon shpk” e Piro Zogës kanë dërguar nga një ankesë, ku pretendojnë për abuzim nga ana e Autoriteti Kontraktor.
Ankimuesit shprehen se “Në specifikimet teknike, nëse nuk e justifikon objekti i kontratës, nuk duhet të përmendet asnjë markë prodhimi ose burim specifik apo proces i veçantë, që karakterizon produktet ose shërbimet e ofruara nga 4 një operator ekonomik specifik apo asnjë markë tregtare”.
Sipas tyre, është kërkuar shërbim me kritere specifike për tenderin në fjalë, AK favorizon vetëm disa firma që mund t’i kenë stok prej kohësh ato paisje dhe përjashton në mënyrë të padrejtë konkurrentët e tjerë. Sipas dy denoncuesve, në këtë rast më e drejtë do të ishte që për çdo material Autoriteti Kontraktor të kërkojë certifikatat e nevojshme sipas ligjit të prokurimeve.
Nga shqyrtimi i dokumenteve, KPP ka vendosur të pranojë ankesat e të dy operatorëve. Në përfundimin kërkon që Universiteti i Mjekësisë të modifikojë dokumentet e tenderit si dhe të bëjë kthimin e tarifës për firmat Egian Med dhe Krijon.
Klani i Manastirliut
Thelbi i këtyre ankesave duket se qëndron më thellë se sa ankesa për parregullsi në një tender. Duhet të kujtojmë se firma Egian Med është një nga më të privilegjuarat e ministres Manastirliu. Por, mesa duket ministrja i paska prishur marrëdhëniet me Fatos Lushin. I cili vetëm disa muaj më parë ka marrë tenderin me objekt “Blerje Materiale Mjekësore” me vlerë 15 milionë lekë. Jo vetëm kaq, firma e tij ka marrë tenderë, të cilët nuk janë vënë në funksion.
Konkretisht flasim për prokurimin me objekt “blerje materiale mbrojtëse kundër Covid-19”. I cili është fituar në gusht të 2022 nga Egian Med dhe ka filluar zbatimin në shtator të 2022. Kohë kur covidi ishte zhdukur nga vendi jonë dhe maska dolën jashtë përdorimit. Por, ku shkuan këto para? Askush nuk dha një shpjegim.
Ndërkohë, nga të dhënat nga Agjencia e Prokurimeve Publike evidentohet se nga viti 2020 “EGIAN MED shpk” ka përfituar disa tenderë me objekt “blerje materiale mbrojtëse kundër Covid-19”. Secila prej tyre kap vlerat mbi 20 milionë lekë. Pra, Fatos Lushi dhe Ogerta Manastirliu duke se paskan një miqësi mjaft të mirë.
Dikur Manastrilu shpikte tenderë vetëm që të financonte Fatos Lushin. Por, ky i fundit tani nuk po përfiton më nga Ministria e Shëndetësisë, prandaj i kthehet kundër ministres. Madje këtë herë ka në krah edhe KPP-në.
Lexo edhe: Manastirliu, pazare me Sokol Topçiun/ 50 mln lekë pajisje mjekësore
Discussion about this post